Kacamata Tambus Pandang

    Takisah ada urang nang bangaran Tubuntat tulak ka pasar, imbah tu Tubuntat ne ada malihat urang bajualan kacamata.
"Umaaa, bagus nya kacamata ne, barapaan man ?" ujar Tubuntat batakun. 
"Mun kacamata nang ini talarang ding ae, sualnya ni kacamata tambus pandang" ujar si paman tukang jual manyahuti. 
"Bahhh, bujur an lah paman, mun bujur an ulun tukari paman ai" ujar si Tubuntat pina kahandakan. 
"Cuba i ha ikam mun kada parcaya" ujar si paman tukang jual mayakinakan.

    Pas di cuba i kaca mata ti, samuaan urang nang Tubuntat lihati kalihatan batilanjang. Imbah Tubuntat mamacul kacamatanya, urang-urang nang dilihatnya batilanjang kalihatan bapakaian pulang. Dipakainya pulang, kalihatan batilanjangan pulang barataan !
    "Haratnyaaaa !" bakuriak Tubuntat kaungahan. Langsung haja di tukari Tubuntat kada batawaran lagi kacamata nang tambus pandang tadi. Sambil tatawa-tawa Tubuntat mamakai kacamata tambus pandang tadi sampai ke rumahnya. 
    Tubuntat handak malihatakan kacamata nang inya tukar tadi lawan Susi, bininya, tapi nang bini kada ada di ruang tamu. Imbah kada ada talihat nang bini di ruang tamu, Tubuntat langsung ka kamar, sakalinya malihat bininya batilanjang bulat lawan tukang liding langganannya. Tubuntat mamacul kacamatanya, tapi nang bini lawan tukang liding masih haja batilanjang. Dipakainya pulang kacamata tambus pandang ti, eh... kaduanya masih haja telanjang. Sambil basasarik Tubuntat baucap, "b*ng*l banar nah !! kacamata nang larang kaya ini lakas banar rusak"

3 komentar:

LintasKoran mengatakan...

nice share

Thanks

Tagantar Dot Com mengatakan...

@LintasKoran_ hehe.. trma kasih sahabatku.. !!

Happy Blogging...

Xpresi4share N Software Pro mengatakan...

Urang banjar itu sakti-sakti, kada kawa dilawan, tanpa kacamatapun kawa tambus pandang, apalgi pakai ilmunya si paluy, raja keramput hehehe, salam kenal bang

Poskan Komentar

 
 
Copyright © www.tagantar.com